Ciao tutti

 Þá er bara komið að lokatónleikunum mínum... loksins Þeir verða haldnir sunnudaginn 29. apríl klukkan 14:00 í Hásölum, sal Tónlistaskóla Hafnarfjarðar og ég vona að sem flestir sjái sér fært að koma því þetta verða mjög fjölbreyttir og skemmtilegir tónelikar.

 Það hefur nú gengið á ýmsu á þessum söngferli mínum og það verður voðalega góð tilfinning að stíga á svið í næstum seinasta sinn í þessum tónlistaskóla... sem er bæ ðe wei alveg frábær. 

 Sjáumst í Hásölum 

 Helena Díva

Ég er að fara til Ítalíu í byrjun mars... og verð þar í 10 daga. Mikið hlakka ég til. Ég fer með 14 öðrum snillingum sem eru í BEST og við ætlum eiginlega bara að skemmta okkur, allan tímann. Við byrjum á að fara til Napolí þar sem innfæddir taka á móti okkur og sýna okkur borgina, svo kíkjum við aðeins á Róm áður en við förum heim... Þetta verður geggjað

later
Helena

Hæhæ

Þann 19. janúar gerðist sá merkilegi atburður í lífi mínu að ég tók seinasta söngprófið mitt í tónlistaskólanum í Hafnarfirði, svokallað framhaldspróf (áður nefnt 8. stig). Það var enginn annar en Bergþór Pálsson sem var prófdómarinn minn og hann var algjört æði. Það var æðislegt að syngja fyrir hann og þetta gekk nú bara alveg ágætlega hjá mér, varla hægt að segja að ég hafi ruglast.. eða allaveganna ætla ég ekki að flagga því

Svo stefni ég bara á að halda "burtfarar-tónleikana" í vor, líklega í apríl eða eitthvað svoleiðis og þá vona ég bara að sem flestir sjái sér fært að mæta

syngjandi söngkveðjur

Helena Marta, söngkona með meiru

Hæhæ

Ég er loksins farin að hætta að geta tekið verkjatöflur út af tanntökunni svo ég er bara nokkuð sátt Ég þarf þó enn að tyggja með framtönnunum, að hætti kanína og annarra nagdýra eða borða eitthvað sem þarf ekki að tyggja en það er svo það safnist ekki upp nesti í holunum sem mynduðust þegar tennurnar voru teknar

Ég er búin að vera mamma núna síðan á föstudaginn. Ég er að passa fyrir frænda minn og á því einn 15 ára og eina 11 ára. Það er ótrúlega skrýtið að þurfa að bera ábyrgð á því að vekja þau á morgnanna (eiga ekki séns á að kúra lengur), smyrja nesti, elda matinn og taka til nesti, láta þau læra og gvöð má vita hvað. En það er bara nokkuð skemmtilegt

Ég kvíði svolítið fyrir jólunum þar sem fjölskyldan mín verður í Ameríkunni en ég þarf að vera ein heima. Ég er þó búin að fá samastað á aðfangadag og svoleiðis en það verður svolítið einmanalegt að hafa engan til að spila við og svoleiðis þá virku daga sem maður er í fríi.

later
Helena

Hæ hæ

Ég get ekki talað núna án sársauka, kyngt eða brosað. Þetta er ömurlegt!!! Ég var semsagt að koma frá tannlækninum mínum sem ákvað að það væri fínt að taka eins og 3 tennur úr mér í einu. Þetta voru allt endajaxlar og maðurinn þurfti að beita öllu sínu afli til að ná þeim út... þeir ætluðu sko ekki að gefa sig. En þetta hafðist að lokum og nú er ég tuttuguþúsund krónum, 3 tönnum og allaveganna 100 brosum fátækari

sársaukakveðja
Helena

Jæja sameindalíffræðiskvísur, hér er eitthvað fyrir ykkur, loksins... ekki bara fyrir þá sem eru hrifnir af "venjulegum" dýrum þegar kemur að leikföngum

http://www.b2.is/?sida=tengill&id=193667

(sorrý, gat ekki búið til hyperlink, eitthvað klikk í gangi)

Enjoy
Helena

Halló elskurnar

Ég fór á óperuna í gær en það var verið að sýna Brottnámið úr kvennabúrinu. Þar mátti heyra aríur sem fóru alla leið upp á d eða e (yfir háa C) sem var nokkuð magnað. Það er alveg merkilegt að heyra muninn á tveimur tenórum og svo á tveimur sóprönum þar sem það eru ekki mörg verk með tvo af hvoru. Rosalega flott stykki sem sýnir svakalega tækni og hæfileika en ég get ekki sagt að það hafi mikið gerst í þessu verki. Bassinn (Bjarni) var samt ótrúlega flottur (as in tónlistarlega séð, þar sem hann er frekar feitur og gerður rosalega óaðlaðandi líkamlega séð ) og söng djúpu nóturnar eins og hann hefði fundið þær upp!!!

En já, nóg um það. Ég er nú að kenna "litlu" gemlingunum í setbergsskóla og hef ekki enn lent í neinum rosalegum áföllum þó ég hafi fengið spurningar varðandi BDSM (já, þau minntust á það við mig í tíma í dag og ég bara átti ekki orð!!!), fjölskyldu mína, aldur minn og hjúskap... endalaust hvað þetta lið er forvitið

þar til seinna
Helena, kennari með meiru

Sæll öllsömul

Nú gerðist ég svo fræg á föstudaginn að skila inn lokaritgerðinni minni úr 5 eininga verkefninu mínu. Seinna kom svo í ljós að ég fékk bara æðislega einkunn fyrir hana og er mjög sátt við alla vinnuna sem ég lagði í hana, þó einingafjöldinn hefði mátt vera aðeins meiri fyrir þessa vinnu, sem var langt yfir 5 vikna vinnu. En ég á þá að útskrifast 21. október og veit ekki alveg hvort ég eigi að halda upp á það með fjöldskyldunni (sem sagt öllu frændfólkinu) eða hvort ég eigi að láta smá partý nægja...

Ég fór svo, þegar ég var búin að skila ritgerðinni minni upp í Setbergsskóla og skráði mig í forfallakennslu þar í skóla til að hafa eitthvað að gera með söngnum, og fá inn smá vasapeninga. En svo ætla ég bara að fara að hreinsa til í kringum mig, allt sem ég hef geymt síðan í byrjun menntaskólans... það er MJÖG margt sem hefur setið á hakanum (t.d. nótuskipulag, glósuskipulag, bókahillan í heild, fataskápurinn og svo mætti lengi telja).

Svo er ég auðvitað á fullu í söngnum og er að reyna að æfa mig tvisvar á dag (sem ég hef bara bókstaflega aldrei gert áður) svo það þarf svolítinn aga í það svo ég verð ekki alveg agalaus þrátt fyrir skólaleysið.

Annars bara allt ágætt að frétta... lífið er bara að fara að komast í ágætis skorður aftur, eftir rosalega bissí september.

búið í bili
Knús
Helena

halló halló Nú er ég aldeilis með fréttir... Ég var að leggja lokahönd á 5 eininga BS verkefnið mitt og ég get ekki beðið eftir að prenta hana út (sem gerist í fyrramálið) því skilafresturinn rennur víst út á morgun En það er allt í lagi því að ég er búin !!! Útskriftin verður svo 21. október ef ég man rétt

Svo var ég að ákveða að einbeita mér bara að einu í einu í vetur og byrja á að setja á fulla ferð í söngnum strax og ég hef skilað verkefninu mínu því ég er búin að ákveða að vera ekki í Háskóla í vetur og verð því vonandi eitthvað að vinna og í söngnum mínum sem ég reikna frekar með að klára næsta vor þá verða sko hörkutónleikar !!!

Bjarki og Emma voru að flytja til Ameríkunnar (Santa Barbara nánar tiltekið sem er í Californíu) og er ætlunin að fara að heimsækja þau á næstunni... vonandi sem fyrst. Litli engillinn þeirra hún Sigríður Margrét kann bara rosalega vel við sig í stóra landinu og skemmtir sér konunglega með heimavinnandi húsföðurnum sínum Svo sem ekki markt annað í fréttum sem ég man eftir...

... see you later aligater

Tere!
sko, ég kann að tala eins og eistu... nei ég meina eisti ég er semsagt núna á marsters og doktorsnemakúrsi í Eistlandi. ég er semsagt alveg næstum því orðin mastersnemi... það þýðir að ég er alveg að verða svakalega gömul... nei, bara rosalega reynd Á föstudaginn á ég að halda fyrirlestur á ensku um 5 eininga verkefnið mitt sem ég er alveg að verða búin með. Þetta er í fyrsta sinn sem ég tala ensku af einhverri alvöru þar sem fólk á að taka mark á því sem ég segi Vonandi gengur það vel!!!

Ég var náttúrulega eins og hver önnur prinsessa ekki að búast við því að það yrði rigning í útlandinu svo ég tók ekki með mér nema eina götuskó og varð bara alveg hundblaut í fæturna á fyrsta degi. Svo var ég náttúrulega algjör klaufi í gær þar sem ég gleymdi úlpunni minni í rútunni og er því í dag, í grenjandi rigningu búin að vera í stígvelum og með einnota túrhestaregnslá (appelsínugula) með buxurnar girtar ofan í stígvélin og líður svona líka eins og þvílíkum lúða... en það er nú bara fyndið því ég fell bara vel í hópinn... hahahaha

hugs
Helena

Halló halló

long time no see!!! talandi um að láta líða langt á milli blogga

Það er óhætt að segja að það sé nóg búið að gerast síðustu mánuði. Ég ætla nú ekki að segja ykkur allt svona í einu en kannski stikla á stóru.

Apríl: Ég ásamt fleiri BESTurum tók á móti fullt af ferðalöngum frá norðurlöndunum á svokölluðum svæðafundi (RM). Þetta var mikil vinna en vá hvað það var rosalega gaman og útlendingarnir voru svo hrifnir af Íslandi og Íslendingum að þeir eru nánast allir búnir að koma aftur að heimsækja okkur síðan þá!!!
Seint í apríl voru Bjarki (bróðir minn) og Emma svo pússuð saman við fallega en fámenna athöfn og var haldin veisla heima hjá okkur. Ég og pabbi sungum við brúðkaupið og við vorum svo heppin að fá Teit til að spila með okkur á Saxafón og gítar... algjör snillingur

Maí: próf, veikindi og vinna einkenndu þennan mánuð en ég var svo óheppin að fá streptakokkasýkingu örfáum dögum fyrir fuglafræðiprófið mitt svo ég varð að skrá mig í sumarpróf Þetta var nú samt soldið skondið þar sem þetta var seinasta prófið mitt á BS ferlinum og bara námsferli mínum yfir höfuð sem ég þarf að taka sjúkrapróf og það var akkúrat síðasta prófið mitt.

Júní: einkenndist af vinnu, ferðalögum og útlendingum. Ég fór á Hallormsstað í nokkra daga til að koma henni Brynhildi inn í það sem ég var að vinna í fyrra og stoppaði helgarnar í kring á Akureyri og átti það yndislega daga í sól og blíðu
Svo tók ég og aðrir BESTarar á móti þátttakendunum í sumarkúrsinn okkar sem fjallaði um vetni og jarðvarma á Íslandi. Þetta heppnaðist flest allt rosalega vel og ég held að flestir hafi verið ágætlega sáttir við útkomuna.

Júlí: Ferðalög og vinna... Ég gekk Laugarveginn með Lindu, Ragga og fleira góðu fólki auk þess sem ég vann og vann enn meira í þessum mánuði... annars mest lítið að frétta.

Ágúst: ferðalög og vinna, enn einu sinni. Eina virkilega markverða sem ég er búin að gera núna er að ég vann í eina viku í Esjufjöllum en það eru fjöll sem eru að koma almennilega undan jökli núna (Vatnajökli) og á sér því stað mikil 1. stigs framvinda og það er alveg yndislegt að vera þar. Ég þurfti að ganga yfir skriðjökul (breiðamerkurjökul) og það var nú engin smá upplifun... margra metra djúpar sprungur allt í kringum mig og eitt feilspor gæti komið manni ofan í eina slíka og tæplega skilað manni aftur upp. En þetta var alveg magnað og meiriháttar upplifun.
Núna á ég að vera að læra fyrir sumarprófið mitt í fuglafræði... gengur líka svona vel!!! (fann allt í einu tíma til að blogga ) en já, bara hressandi

Þar til næst

Kossar
Helena

Ciao tutti...

Þið verðið að fyrirgefa að nú ætla ég að skrifa svona til skiptis á ensku og íslensku þar sem ég eignaðist fullt af góðum vinum þegar ég fór til Rómar í febrúar. Þetta var algjör draumaferð með frábæru fólki frá hinum ýmsustu löndum í Evrópu... góður matur, gott vín, fullt af bjór og skoðunaferðir í hrönnum var meðal þess sem var á dagskrá í þessari ferð... ÆÐI!!!

Hi there my BEST friends!!! I just told the Icelandic ppl about my trip to Rome... It was so great, I have still got a big smile on my face that just won't dissappear I just wanted to thank you all for making this trip so wonderful and so much fun. The organizers were great and the partisipants also and I really learned a lot about Italy, Rome and other things but I won't bore you with that now.

Here are some of the 700 pictures I took in the trip... these are the pictures I love the most... some of them really sweet and other really funny. check it out

http://www.imagestation.com/album/pictures.html?id=2108479775

love you all
Helena

Já, nú er líf mitt eintómur súludans þessa dagana... nei ég er ekki farin að vinna á Óðal... ég dansa bara um súlur sem eru gerðar úr 20 örkum af hvítum A4 pappír og límbandi

Annars er ég að gera fyrirlestur um súlu sem er nokkuð algengur sjófugl við Ísland... fannst hitt bara aðeins skemmtilegri saga

Ein vika í Róm!!! ég get ekki beðið en þetta er samt allt of stuttur tími því það er svo margt sem ég ætlaði að vera búin með áður en ég færi sem er ekki einu sinni hálfnað hjá mér þetta reddast vonandi... Róm fer víst ekkert þó ég sé ekki búin að telja allar barrnálarnar mínar

addio...
Helena

Mér finnst eitt það ömurlegasta sem til er í heiminum þegar ég þarf að horfa upp á vini mína gráta og verða fyrir vonbrigðum. Þetta gerðist í gær þegar Vökuliðum voru tilkynnt úrslit úr kosningum þar sem vantaði 4 atkvæði upp á meirihlutasigur þeirra í stúdentaráði. Takið það til sín sem eigi að hafa ekki farið og kosið og þar af leiðandi grætt um 50-60 manns í gærkvöldi, þið meigið alveg hafa það á samviskunni. Ég sat og taldi um 3300 atkvæði í gær til klukkan hálf 5, fjórum sinnum. Takk fyrir það!!!

Helena